@orkeni Orken KENZHEBEK Instagram photos and videos | inst24
@orkeni Orken KENZHEBEK Instagram photos and videos | inst24

Orken KENZHEBEK (@orkeni)

Журналист. Медиалектор. Путешественник. Руководитель Службы спецпроектов Агентства "Хабар" Photo: LG G7 Telegram канал -

Posts: 3 155 Followers: 60 683 Following: 904

93

Orken KENZHEBEK (@orkeni)

🎈 Фрэнк Дарабонттың «Шоушенкіден қашып шығу» деген әйгілі фильмі бар. Сонда қырық жыл бойы түрмеде отырған шалды бостандыққа шығарады. Салыстырмалы түрде оның түрмедегі өмірі жақсырақ еді - аз-маз құрметі бар еді ағайын арасында, құс асыраушы еді, кітапханашы еді. Ал бостандыққа шықса, әлем өзгеріп кеткен. Бұны ешкім танымайды. Бұл өзін таба алмайды. Ақыры бір супермаркетке сатушы болып кіреді. Әжетханаға барғысы келсе де, әкімшісінен сұранып жүреді. Ол болса, бұған таң – «Әй, сен азат адамсың ғой, бұл жер түрме емес, қалаған уақытыңда әжетханаға бара бергің». Ол шал келесі жолы тағы да сұранады... Ақырын білесіздер, білмесеңіздер, негізі фильмді өміріңізде бір рет болсын, көрген абзал. 🎈⠀ Түрме адамы деген осы ғой, тордың ішіндегі шеңбердің өзіне төселіп алады. Неге екені белгісіз, осы эпизодта есіме Қазақстан келе қалады. Біз де сол шал секілді түрмеде тым көп отырып қалдық қой. 186 жыл бойына Ресей империясы, одан кейін ес жимай тұрып, 74 жыл Кеңес Одағының түрмесінде жатты. Мұндай ұзақ езгіден кейін – тырнағыңды бір-бірлеп плоскогубцымен жұлып, басыңа бұрыш себілген пакетті байлап, зәрге шомылдырып, аштан қатырып, суыққа жатқызғаннан кейін естен кетуіміз керек еді. Жоқ, естен танбадық. Тәуелсіздік алған соң, шекарамызды шегендеп, дінімізге оралып, тілімізді түзулеп, астанамызды көшіріп, отаршылдық таңбаларын өшіріп жатырмыз. Бодан адамның психологиясынан бір сәтте айығуымыз мүмкін емес. Бірақ, тырысып жатырмыз.. 🎈⠀ Біреулер ойлағандай, тез дамымай жатқан шығармыз, бәріне игілік теңдей бөлінбей жатқан шығар. Бәрі де болады дегенге сенгім келеді. Сенбесеңіз де, бұл елден артық бізді күтіп тұрған ешкім жоқ. Бәрін жасайтын – өзіміз. Бастысы – тәуелсізбіз. Байлығы болмаса да, басының азат болуын қалаған қанша атамыздың басы қылыштың жүзінде қалды. Олардың білім туралы ойланып, ғылыммен айналысатын уақыты болмады – киіз үйдің сыртынан «фычт-фычт» деп жау ысқырып тұрды. Ал қазір заман тыныш. Елбасы бар. Қоғамың бар. Өзіңді дәлелде, ал Өркен! #өркеной

98

Orken KENZHEBEK (@orkeni)

✅ "Айдағаны жеті ешкі, ысқырығы жер жарады" дегендей, алғаным - екі бөлме еді. 63 шаршы метр. Осыны ақтаймын дегенше шашымның екі талы ағарып, дүниемен толтырам дегенше @argymaq портмонемнің түбін тырнап тастадым. Мәә, мына 200-300 шаршы метр пәтері барлардікі нағыз сынақ екен-ау) Айтпақшы, Астанадан қатты қымбат емес кілемдер сатып алуға қай жерді ұсынасыздар? Он адам сиятын, жиналмалы жер үстел де іздеп жүрмін. Сапалы компьютерлік үстел де артық болмас еді) ✅ Кеше @tikkurila.kz бойынша үйімнің жартысын көрсетіп едім, енді жартысын көріңіз. Оның өзі екі бөліктен тұрады. Тәуелсіздік күні бояу туралы былшылдап отырған қалай кетті? Бұл да осы Тәуелсіздіктің арқасы ғой, әжік-күжік деп отырғанымыз... Солай емес пе? _______________________________________________ #tikkurilakz #tikkurila #бітетінремонт

74

Orken KENZHEBEK (@orkeni)

✅ Осында берген уәдемді орындайын. Өткенде үйімнің ішін @tikkurila.kz - ның бояуымен бояп, тұсқағазымен тұстағанымды жазған едім. Неміс, итальян бояулары емес, неге финн бояуын таңдағанымды да талдағанмын. Жазу көп қой, енді көп созбай көрсетейінші. Бүгінге жартысы, ертеңге келесі күлшесі. @alibekovkz секілді жұлынып жүргізуге тырысып көрдім, қалай бола ма?) _______________________________________________ #tikkurilakz #tikkurila #бітетінремонт

Orken KENZHEBEK (@orkeni)

Санасаңыз, бұл @zhasproject бойынша оныншы постым екен. Байқасаңыз, жеңіп алғандардың дені орыстілді екен. Алалау жоқ. Жеңгенде, қатысқаны солар болса, қайтесіз? Ал қазақтілділерге ақпарат жетпей қалған шығар, жетсе де жүрексінген шығар, ең болмаса, енді мен жайлы біле жүрерсіздер.. Әйтпесе, Қарағандының Әйгерім Аймақова деген қызынан Сіз де кем емес едіңіз. Ал ол "Пешком по родным просторам'" деген жобасына "Жаспрожекттен" ақша алып, жайнатқан. Әл-ауқаты төмен отбасылардың балалары, жетім балалардың арасында салауатты өмір салтын ұстануды үгіттеген. Спорттық туризмге баулиды: арқан байлаудан бастап палатка тігуге дейін. _______________________________________________ Осы жобаның аясында 300-дей баланы, 150-дей ересекті қамтиды. Сегіз жылдан бері айналысып келе жатқан істері екен, жобадан соң ақша қосып, сервистерін көбейтіп, қазір әжептәуір компания боп қалдық дейді. "Бұл бизнес қой, бірақ, осыдан біз ләззат аламыз" дейді. Ал Сіз жұмысыңыздан ләззат аласыз ба? #zhasproject #youthcorps #youthcorpsproject #edugovkz

37

Orken KENZHEBEK (@orkeni)

🛫 Бүгін осы беташарда болуым керек еді. Тыққан-пыққан көрімдігімді беруім керек еді. Әйтпесе, @zhanna_badaubayeva әпкем қиылып шақырған, қиналып бармадым. Астанадағы басқа шарада болғаннан шарасыз басқа блоггерлердің көзімен көрдім бұны. Бұл - Embraer 190-E2. Астанадағы @airastana_kazakhstan - ның авиатехникалық орталығында жаңа түскен келіндей бетін ашып, Жұлдыз Әбділдә, @aina_doskyzy деген қос абысыны қолтығынан сүйемелдеп тұрды) Бұл «келіннің» ұлты – бразилиялық. Бірақ, бетіне біздің нышанымыз - қар барысының бейнесін салуды «Эйр Астана» басшысы Питер Фостер ұсыныпты. Қалыңмалын төлеген соң, келіскен ғой – келісіп тұр енді. Шынайы шыққан. Барысқа деген көмегіміз осымен тоқтамасын деп Қазақстанда қар барысының азаю мәселесін көтеріп жүрген ғалымдарға 3 800 000 теңгенің сертификатын табыс етіпті. Оң мың доллар ғой, общм. ⠀ ✈ Жалпы, Бразилияның қызуқанды ұшақтарын «Эйр Астана» жеті жылдан бері қызыға алып жүр. Мысалы, алдағы жылы компания Бразилиядан тағы да төрт «келін» түсіргелі отыр. Неге Embraer 190-E2 десеңіз, әзірге бұл өз тұрқыластарының арасында ең жылдамы, шайды, ой, керосинді аз ішетіні, шолпысының сыңғыры естілмейтіндей ең дыбыссызы, ауаға «желді» өте аз шығаратынымен белгілі. Сосын дәл осы ұшақтың түрін әлемде екінші, ал ТМД шеңберінде бірінші болып біз алып отырмыз. Мемлекеттің ақшасынан емес. Лизингпен. Баяғыда ше, мектеп қабырғасында өрмелеп жүргенде «Қазақстан - 2030» бағдарламасының мұқабасынан қанатты барысты көріп, таң қалушы едік. Осыдан 21 жылдан кейін барыс расымен ұшатын боп тұр енді) Бүгін Алматыға қарай ұшамын Алла қаласа, мүмкін, әуежайдан көріп қалармын бұл сұлуды. Не де болса, құтты болсын, @airastana_kazakhstan! ⠀ Photo by @yelenasergiyenko #AirAstana #Embraer190E2

106

Orken KENZHEBEK (@orkeni)

🇯🇵I Бұл - Хиросима. Әлемде ең алғаш рет басына атом бомбысы жарылған қала. 45-ші жылдың алтыншы тамызында америкалықтар тастаған бомбы бірден 70 мың адамды отырған-жатқан жерінде көк күлге айналдырып жіберді. Енді дәл эпицентрінде температура 4000 градус ыстық болса, басқа не күтесіз? Одан соң тағы 70 мың адам сәуле ауруынан азаптанып өлді. Одан кейін де өлгендерінде есеп бар - бірақ, бұл бомбыны жаруда мән жоқ еді... ⠀ Өзі неге осы қаланы таңдады деген сұрақ туар, ә? Туса, былай: Хиросимада сол кезде Жапон әскерінің екінші Бас штабы және Теңіз күштерінің Бас штабы болған. Айдаһардың басын шабамыз деген түрі ғой.. Сосын Киото деген ең әдемі қаласын бомбыламақшы болған. Сөйтсе, АҚШ-тың сол кездегі әскери министрі Генри Стимсон деген бал айын кезінде Киотода өткізіпті. Қимаған ғой қиратуға. Жанын салып барып, шешімді әрең өзгерткен. Хиросимадан соң, үш күннен кейін Кокура деген өндірістік қалаға атом бомбысын тастамақ болған. Алып-ұшып жетіп келсе, қаланың қасындағы орман өртенген, бұлт пен түтіннен дым көрінбейді дейді. Содан Кокураға тастамай, жолай Нагасакидің үстінен лақтыра салады. Ол жақта тағы 140 мың адам капут болды. Сол үшін жапондарда "өзің бір Кокура сияқты жолың болғыш екен" деген теңеу бар.. ⠀ Осылайша, 450 мыңдай адамның жанын алып кеткен қос бомбы Жапонияны да, әлемді де адам танымастай етіп өзгертті. Мынау - сол жарылыс кезінде аман қалған Гэмбаку үйі. Радиация - 0. Бұдан гөрі Чернобыльға барып, екі түн түнегенде 900 микрозиверт радиация алып қайтқанмын. Сенбесеңіз, сертификаты үйде тұр.. Енді менімен қол алысарда, ойланып алыңыз) #japan #hiroshima #atomic #instakz

48

Orken KENZHEBEK (@orkeni)

📌 LG-ге мен лайық болдым ба, әлде маған ол лайық болды ма, әйтеуір, үш жылдан бері әдемі доспыз. Әлі есімде, бұл Элжи мені сымсыз шаңсорғыш беріп, сынаған. «Қазақ блоггерімін дейсің, ал жаза алар ма екенсің сататын мәтінді?» деп шарт қойған. Құдай-ау, бұлай қиналмаған шығармын.. Себебі, көшіре салайын десем, шаңсорғыш жайында Шерхан Мұртаза да, Өміржан Әбдіхалықұлы да жазбаған екен – ойымда шаблон жоқ. Мәтін жарайды, бұл үшін фотосессияға түсу керек екен. Ол жарайды, айтайын дегеніңді төтесінен тартпай, басқа мысалмен, өзге хикаямен оқырманды алдаусыратып алып келу керек болды. Бұл үшін сторителлингті қайта үйрену керек болды. Әбден азабы өткен ғой, әлі күнге дейін сол жарнама есіме түссе, дір ете қалам) ___________________________________________________📌 Ал қазір жазайын дегенім, дым да жарнама емес. Ақпарат. @lg_electronics_kz пен Megago бірлесіп, «LG плюс арналар» деген жаңа сервисін әкелді. Бұл – кәдімгі онлайн-телевидение. Бұл үшін Элжидің SMART деңгейіндегі кез-келген теледидары керек. Сосын сымды ма, сымсыз ба, интернетіңіз болса болды. Ешқандай артық жабдық сатып алмай-ақ, антеннаны бұрамай-ақ, ешқандай оператормен келісімге келмей-ақ, енді 131 арнаны көре бересіз. Тексердім. Рас. Отандық, ресейлік, халықаралық арналар. Отандық дегенде, Казах ТВ, Атамекен, Асыл арна секілді 7-8 арнаны ғана байқадым, әлі толықтыратын шығар. Бұдан бөлек қазақстандықтар HD-сападағы 10 тематикалық арнаны қашанда тегін көре алады. Euronews тұр, Первый канал отыр. Өзі осылай-осылай антенна сатып алу, кабельді телевидениеге қосылу, телеприставкалар орнату деген ритуалдар өткеннің күресінінде қалатын сияқты. _______________________________________________ 📌 Сосын «LG плюс арналарға» қосылып алу сондай оңай. Пультіңіздегі Смарт теледидардың мәзірін ашып аласыз да, CH PLUS деген қолданбаны тауып алуыңыз керек. Егер ол жоқ болмаса, LG Content Store дүкенінен жүктеп алу керек. Болды. Ары қарай рахатыңызға пайдаланыңыз! Ал Сіздер үшін LG немен есте қалған я қалады? #LG

11

Orken KENZHEBEK (@orkeni)

Теміртау деген тас қала бар. Өткен ғасырдың өмірі жайлы кино түсіретін болса, қазақ режиссері декорацияға алар екі қаланың бірі. Біріншісі – Орал. Сосын Стивен Кингтің өзінің қиялына келе бермейтін қылмыстар осы қалада жасалатындай болып көріне ме, солай елестейді. Неге бұлай деп мына әдемі, ойбуй, әйелім көрмесін, онша емес қыздан сұрамаймын ба? Білмеймін дейді. ____________________________________________________ Ал Анна Горная деген бұ қыздың білетіні басқа екен. @zhasproject жобасына қатысып, грант ұтып алған соң, талапты деген жастарды жиып алып, камераға түсіруді, газетті беттеуді, фотоны өндеуді үйретеді ше.. Үйренгендері өз бетінше түсірілімге шығып, бейнесін монтаждайды. Үйтіп-бүйтіп жасаған өнімдерін Ютубке салғызады. Одан бірнеше блоггерлер өсіп шығады. Болашақта осы қыз-жігіттерді онлайн-басылымның қасында жинасам дейді. Бұның бәрі не үшін десеңіз, шығармашылықтың ұшқыны бар жастар сенделіп қалмай, тезірек өз ісін тауып, бақытты болсын деген ниет қой. Әсіресе, Теміртауда адамдар бақытты болуы тиіс! ____________________________________________________ Айтпақшы, фондағы музыканы мен таңдаған жоқпын, әйтпесе, әп-әдемі сұхбатым косметиканың жарнамасы секілді боп қалыпты) #zhasproject #youthcorps #youthcorpsproject #edugovkz

51

Orken KENZHEBEK (@orkeni)

🇯🇵 Өмірдің мәнін, өлімнің сырын шын мұсылманнан артық кім түсінген деймін.. Олай болмаса да, әр ұлттың өзінің өмір жайлы түсінігі бар ғой, жаман-жақсы болсын. Ал жапондар өмірдің мәнін табуды икигай деп атайды. Бұның негізі – бесеу, соның бірі - не болса да майдадан баста дейді. Бір істі алдың ба, соны жайлап жетілдіре бер дейді. Ал Абайдың «Лап бергіш, көт айналғыш, қайта ойланғыш» деп со кездегі қазақты сынағаны әлі күнге дейін диагноз болып келіп еді. Біздегі бірден опырып табысқа жете салуды, тез креслоға отырып алуды ойлау ұлттық сипатымыз боп кете жаздаған бір кезде. Головкин нокаутпен құлата алмай қалса да, «әне, айттым ғой» деп көңіліміз қалып жатады ғой) Біздің ертегілеріміздегі батырларымыз да жылдап емес, айлап ,сағаттап өседі. Ал бұлар ұсақтан бастайды... ____________________________________________________ Өмірдің ұсақ-түйегіне қарап, рахат ал дейді тағы бір негізі. Бұлардың шие гүлдегенге шатыры кетіп, гүлдерден икебана құрағаннан ләззат алатыны содан. Неге бұлай десеңіз, адамның өмірінде үлкен жетістіктер біз қалағандай жиі бола бермейді. Күніге айлық ала бермейсің. Күніге бала туа бермейсің. Осындай кезде өмірдің әр сәтінен ләззат алу, біздіңше шүкір ету жансарайыңды ашады дегенді келтіреді. Дұоыс қой. Сосын кодавари деген ұстанымы бар. Бұл өз ісіне деген адалдық, соған деген мақтаныш. Даяшысың ба, мақтан даяшы болғаныңа. Таксистсің бе, мақтан таксист болғаныңа. Бірақ, өз алдында. Ал жұртқа қызметіңді өлтіріп жаса. Даяшыларының шайпұл алмайтыны содан. Сумода жеңген балуан қуанышың қатты көрмейтіні содан. Қарсыласыңды құрметтеу. Сондықтан да, бұлардың икигай түсінігіне міндетті түрде жеңімпаздар бармайды. Қарапайым адам да бақытты бола алады дегенді сіңіреді. Біздің түсініктегі момын сияқты ғой. Момын адам да әділетсіздік көрсе, Аллаға тапсырып, адал еңбегін жасап, ешкімнің алдына түспей, бақытты бола алады. Солай емес пе? ___________________________________________________ Ал жалпы икигай түсінігін бір ауыз сөзбен бер десе, Екінші дүниежүзілік соғыс кезінде ағылшын өкіметі шығарған Keep Calm and Carry On плакатын айтуға болар еді дейді. Бұның аудармасы - «Тыныштық сақтаңыз да, өз ісіңізбен айналыса беріңіз» #japan

9

Orken KENZHEBEK (@orkeni)

Мектеп жасында ең бекзат өнер - вальс еді біз үшін. Алсуға "Қысқы ұйқысы", ал Бернеске "Тырналары" үшін рахмет, осы екі әннің екі нотасын ести сала, қураған томарды кұшақтап болсын, билеп кете беретінбіз. Себебі, қазір табысты адам үшін йогамен айналысып, картинадан коллекция жинау міндет болса, біздің кезде жақсы оқитын баланың вальс билей алмауы позор болатын. Ал Данияр Әбішев сәл басқаша ойлайды. Ол да биші. Ол да деп өзімді биші санап тұрғандай айттым ғой, ә?) Павлодардағы жағдайы нашар жастарға, жетім балаларға би курсын ұйымдастырған. Себебі, өзі брейк-дэнс, паппинг секілді көше билерін кәсіп қылғандықтан, бұл әлі өз бағасын алмай жатқан өнер, әйтпесе, көп адамға пайдасы бар деп шын сенетін жан. "Мен билей алмаймын" деген адамның басындағы кедергіні жою арқылы оның өміріндегі басқа да мәселелерді шешу оңайлайды деген ойда. Қысқасы, жетім, жағдайы жоқ жастардың көңілін сергітіп, өзіне деген сенімін арттыру үшін менің қолдан келгенім осы дейді Данияр. Сөйтіп, @zhasproject жобасына қатысып, грант ұтып алып, студияны жалға алып, елу шақты сондай жасты билетіп жіберген. Ал сіздер несіне билеп жүрсіздер?) #zhasproject #youthcorps #youthcorpsproject #edugovkz

63

Orken KENZHEBEK (@orkeni)

🇯🇵 Жапонияның батысындағы қалың нудың ортасында Исэ деген храм орналасқан. Енді қызығына қараңыз, әрбір 20 жыл сайын осы храмның ғимаратын бұзады да, оның жанынан жаңа ағаштармен тура сол храмды қайта салып шығады. Мысалы, қазіргісі 2013 жылы салынған. Енді 2033 жылы оны бұзып, қайта салады. Осы біртүрлі дәстүрдің жалғасып келе жатқанына – 1200 жыл.. Сонда бұған не себеп дейсіз ғой? Тәк, асықпай тұра тұрыңыз. Жаңа храм дәл бұрынғысындай болуы үшін бәрін алдын-ала даярлап отыру керек. Айталық, оны салатын жапон кипарисін пәлен жыл бұрын егіп қояды. Осы үшін жапон кипарисінің ормандарын Жапонияның әр жерінде баптап отырады. Ал храмның құрылысы үшін жарайтын бөрененің жуандығына кипарис тек 200 жасында жетеді екен. Осының бәрін алдын-ала ойластыруды айтсаңызшы! _____________________________________________________ Сосын құрылысқа бір де бір шегені қолданбайды. Сондықтан, ағаш ұсталарын ұстап отыру мен оларды оқыту мыңдаған жылдан бері жалғасып келеді. Сонымен, неге 20 жыл сайын әп-әдемі тұрған храмды бұзып, қайта сала береді? Жауаптың бір нұсқасы бойынша, бұл - тәжірибені келесі ұрпаққа беріп отыру. Тек осылай ғана бір шеберден шебердің келесі буынына теңдессіз тәжірибені қалдыруға болады. Осы деректі Кен Могидің «Икигай» деген кітабынан оқыған едім. Кеше. Пәле, ә? ______________________________________________________ Бұдан кеп түсінеріміз - тұрақтылыққа берік бұлар. Киотодағы Икэнобо әулеті 1462 жылдан бері гүлден икебана жасап келеді. Жапонша шай құю дәстүрін 1591 жылдан бері соны алғаш реттеген адамның әулеті әлі жалғастырып келеді. Бұлардың дәстүрлерінің өлмей, тірі қалу себебі сол. Тұрақтылық. Атадан балаға. Баладан.. #japan

13

Orken KENZHEBEK (@orkeni)

🍓 Павлодарлық Зарина Орақбаева деген мына әйел баласының басына мынадай әдемі ой келеді: неге жағдайы жоқ жастарға құлпынай өсіруді үйретпеске? Иә, клубничка! Екі қолы алдына сыймай жүрген жастар үшін жәрдем емес пе деген ғой...Осы жобасын @zhasproject тапсырады да, онысы тағы ұтып шығады. Ары қарай Жастар үйінен қалаған жасқа есігін ашып қояды да, пәтердің ішінде құлпынай егудің қыр-сырын үйрете бастайды. Стеллаждар, суғаратын құрылғылар сатып алады. Қиындықтар да болады. Агроном емес қой, айталық, құлпынайды тозаңдандыру жағын ұмытып кетеді. Ол бейшаралар бүрісіп бара жатқанда ғана, бұ не пәле болды деп зерттеп, қолдан тозаңдандырып үлгереді. Сосын жобаның уақыты аздау болған соң, әр үйде өсіп тұрған құлпынайларды жинап, жылыжай ашуға мүмкіндік болмай қалыпты. Әйтпесе, әр шаршы метрдегі құлпынайдан 1 келідей жидек түссе, оны базарда сатса, 700-800 теңге , қыста сатса, 1500 теңге табуға болады дейді. Тыңайтқышын реттесе, топырағын қопарса, бұл шаршы метрден 2-3 келіге дейін жидек алса болады. Ақша жоқ деп ауыз ашып жатқаннан гөрі аз да болса қаржы ғой деген біраз жасты баулыпты еңбекке. Бір ой – амал – басқаларға себеп осылай. ✅ #zhasproject #youthcorps #youthcorpsproject #edugovkz