@orkeni Orken KENZHEBEK Instagram photos and videos | inst24
@orkeni Orken KENZHEBEK Instagram photos and videos | inst24

Orken KENZHEBEK (@orkeni)

Журналист. Медиалектор. Путешественник. Руководитель Службы спецпроектов Агентства "Хабар" Photo: LG G7 Telegram канал -

Posts: 3 093 Followers: 56 800 Following: 863

81

Orken KENZHEBEK (@orkeni)

🛫 Менімен түйдей құрдас досым бар. Әлі күнге ұшақ дегенмен қонып көрмеген. Себебі, әлі ұшпаған ғой. Сондықтан, оны бір ұшыру жақын арадағы Мақсатымның (иә, аты - Мақсат) біріне айналып кетті. Мені қойшы, әуежайға келген сайын сол досымды ойлаймын. Ал ол ұшамын дегенше де, көп сыналып жүрген Астананың Н.Назарбаев атындағы Халықаралық әуежайының сервисі түзеліп кететін болды, әне) Мысалы, екінші қабатында «Жібек жолы» деген анда-санда Нұрлан Еспанов шашын қайырып отыратын ресторан бар еді, асханаға айналыпты. Бағасы оңбай түскен. 400 теңгеге кеспе көже мен шай ішіп кетсеңіз болады. Астанаға Сайрамның бағасын әкеп қойғандай, аң-таң болдық та қалдық. 🛬 Сосын шетелдің әуежайларынан көріп жүрген, бірақ, кіруге қымбатсынатын капсула қонақүй ашылыпты. Бұған дейін ел бойынша тек «Нұрлы жол» теміржол вокзалында емге бар еді. Сонымен, Caps Lock деген отельдің технологиясы – жапоннан, дизайны – болашақтан. Ұшағыңыз кешіксе не транзит жағдайында қалып, келесі ұшақты тосуға тура келсе, онда барар жерді енді білесіз. Әзірге он адамға лайықталған отельде нөмірді 1 сағатқа алсаңыз, 2000 теңге төлейсіз. Ал нөмір дегеніміз жайлы, шағын капсула ғой, ішінде - жайылған таза төсек. Өртсөндіргіштен бастап сейфке, теледидардан интернетке дейін бар. Ұшу-қону кестесі онлайн жаңарып отырады, кешікпейсіз. Кофе, шай, су, шырынды тегін береді, шөлдемейсіз. Душқа түсуге болады, арқаңызды езіп бермейді демесеңіз, сүлгі, шампуны – өздерінен. Ресепшндегі қыздар қолындағы тәржімашы құрылғы арқылы әлемнің 80 тілінде сөйлесе береді, қазақшаңызды анық қағып тұр) 🛩 Енді жолаушыларға 3-4 сағатқа түнеп шығу үшін қонақ үй не пәтер іздеудің де қажеті жоқ. Ал қарным ашады десеңіз, әлгі асхана күтіп тұр. Бүйте берсе, әуежайды сынайтын ештеңе таппай қалуымыз мүмкін) Араларыңызды әлі ұшпағандарыңыз болса, ұшып кетіңіздер биыл! Айтпақшы, нәски қалай?)

21

Orken KENZHEBEK (@orkeni)

📌 Кеңестер Одағының кейбір идеологиялық көсеулері ұнайтын. Мәселен, БДХ – Большой детский хор деген болды. «Қолтырауын Генаның әнінен» бастап, «Прекрасное далёко», «Вместе весело шагать», «Крылатые качели», «Голубой вагон» секілді хиттерін Сібірдегі түрмелерден бастап Өзбекстанның мақта алқаптарына дейін шырқатты. Бәкенедей боп алып Пугачевалармен қатар «Песня годаға» жылда шығатын. Мақсат не десеңіз, сәбилердің аузымен сәбеттік саясатты, діннің орнын алмастырған моральді – достықты, үмітті, адалдықты тынбай насихаттау ғой. Енді заман басқа. 📌 Идеологияға жеккеннен бұрын, баладан жеке тұлға қалап шығу, үлкен артисті үрпекшаш кезінен тануды мақсат етеді. Мысалы, балалардың «Еуровидениесі». Биыл қарашаның аяғында Минскіде өтетін осы шараға Қазақстан тұңғыш рет қатысады. Оның эксклюзив түсірілімін @khabartv көрсетеді. Ол үшін бәріміздің атымыздан әу дейтін 1 әнші балапанды таңдау керек-ті. Ол үшін, жоқ, сол үшін 200-ге жуық баланың арасынан 10 мықтыны таңдап алды. Бұлар 22 қыркүйекте Алматыда ақтық сынға шықпас бұрын кеше еліміздің ең мықты блоггерлерімен кездесіп, батасын алды. Бата бердік дегенде, сол сұрақ қойдық, суретке түстік. 9-14 жас аралығындағы жап-жақсы балалар ғой, қастарынан айналып шыға алмай қалдық, олар да бауыр басып қалды. Содан мына фотода бәрін жинап алып, үйімді сатып жіберіп, ақшасына продюсерлік етсем бе деп ойлап тұрғам ғой) 📌 Талғамдары..түу, биікте. «Қай әншіні үлгі тұтасыңдар?» деген сұрақта алдымен Димаштың атын ауызға алды. Содан кейін барып он ауыздан, тойыс бірауыздан Роза Қуанышқызын, ары қарай Бейонсе, Ариана Гранде секілділердің атын атады. Көріп тұрсыздар, Димаш талай қазақтың баласына табысты әрі намысты болудың мүмкін мөделін көрсетіпті. Айтпақшы, бұл әнші балапандардың ешбірі иглз емес екенін ресми мәлімдеймін) Кейбіреулер «әулие» көріп жүрген Ninety One тобына келгенде, тым салқын шықты жауаптары. __________________________________________________ Сәттілік, ендеше! Осы сенбінің 19.30-ынан бастап "Хабардың" тікелей эфирінен көре аласыздар!

13

Orken KENZHEBEK (@orkeni)

📌 Абайдың "Ақыл сенбей сенбеңіз, Бір іске кез келсеңіз. Ақсақал айтты, бай айтты, Кім болса, мейлі, сол айтты" деген өлеңін білесіз. Осы сөзді қандай беделді, қандай ақылдының болсын кеңесін алу, айтқанын қорытуда қолдансақ болады. Тіпті, Аристотельдің өзін, сөзін.. Ол сондай дана бола тұра, әйелдердің тістері еркектікінен аз дей салған. Ол хатқа түскен, ол тарихқа кеткен. Сонда Аристотельдің беделін қарасаңызшы, он сегіз ғасыр бойы ешкім әйел мен еркектің ауыздарын жөндеп ашып, тістерін санамаған ғой. Кейін біреу санап кеп жіберсе, екеуінде де тіс деген тең) 📌 Гиппократ ше? Баланың аузындағы сүт тіс дегенді осы ғұлама енгізген. Оның пайымынша, бұл тістер қатып қалған ана сүтінен пайда болады-мыс. Қазір күлесіз-ау, ал бұл кезінде үлкен ғылымдардың бастауындағы ойлар еді. Бүгін ғой, шіріп біткен тістің орнына бұранда тығып, сыртын циркониймен қаптап, винирмен әспеттеп... былайша айтқанда, жасанды тіс өсіру ғана қалды енді. Мүмкіндік көп. Дәрігер де көп. Деңгейлес бәрі. Сондықтан, тістерімді жөндетуді жалғастыру үшін @stomatologiya_premier таңдадым. Алдында барып жүрген салонымнан арзандау. Бірақ, сол сапа мен сервисті беріп отыр. Сондықтан, Астанадан жақсы стоматология іздесеңіз, бір тісім, ой бір кеңесім мынау - @stomatologiya_premier)

Orken KENZHEBEK (@orkeni)

Осыған да қанағат. 12 жыл бойына, ойлаңызшы, он екі жыл бойы кәсіпқой бокста 38 бойды жеңіп, біреуін тең аяқтағанда, сол жеңістерді рингте өзіміз шелектеп тер төгіп, қан сасып, қабағымыз жарылғандай иемденіп келдік. Генабайдың жеңісі жеке өміріміздегі қопалдықтың, жалқаулықтың, намыссыздықтың, тағы басқа бірдеңелердің бетін жауып та тұрғандай еді... Енді міне, отыз жетіге кетіп бара жатқан жасында алғаш рет жеңілді. Бұндай жеңілістің әйтеуір, бір боларын білгенбіз. Бірақ, ажал секілді қашан алып ұрарын дәлме-дәл білмейтінбіз. Ендеше, жеңілді. Ештеңе жоқ. Жеңілуді де мойындап, оны көтере білу - шемпионға жарасатын іс. Тұлғаның тұлғалығы оны ырқынан шығаратын проблеманың үлкен-кішілігіне байланысты деген сөзі бар еді Фрейдтің. Бұл жеңіліске Генамыз мәу демес. Тірі адам тіршілігін жасайды. Оған деген құрметіме еш қылау түскен жоқ. Жарайсың, @gggboxing!

17

Orken KENZHEBEK (@orkeni)

🔨 Аумалы-төкпелі кез болған соң ба, әркім жасына жараспайтын жүк көтеріп, мақсатына апармайтын арбаға мінгесіп жүр. Саясат, экономикаңды былай қой, ауа райын болжаудың өзі қазір өнбейтін іс. Былай қарасаң, біздің  банктер балаңды аманаттап тапсыруға болатындай аяулы түр көрсетуші еді, қайдағы, өз түшкіргендерінен өздері ұшып жатыр. Себебін іздесең, көбісі банктің қазынасына жеке қалтасындай қараған, тәуекелін есептемей, жеке бизнесіне несиені тоғытқан.. Бұлардың қасында кейде квазимемлекеттік компания да басқарудың жақсы үлгісін көрсете алады екен. Мысалы, Қазақтелеком. 🔨  Осының қаржылай тұрақтылығы мен жүйелік дамуы жағын банктер үйренсе, өзіне ғанибет. Ал ісі былай - былтыр 30,5 млрд теңге салығын төлеген, 27 млрд теңгеге тең келетін АҚШ долларындай қарызын жапқан. Сөйтіп, валюталық борышынан толық құтылды дегендей. «Қазақтелеком» ел бойынша жоғары технологиялық өнімдерді сыртқа сататын, онысына көк қағазбен пұл алатын компанияның бірі. Мысалы, мәліметтерді тасымалдаумен-ақ жақсы ақша ұстап қалуға болады. Өткенде ғана осы үшін PEARL деген телекоммуникациялық бағытты саламыз деп мәлім етті. Еуропадан Ресей, Қазақстан, Түркіменстан мен Иран арқылы Парсы шығанағының елдеріне мәлімет жеткізетін жерүсті маршруты жөндеуі қиын әрі қымбат суасты кабелдеріне қарағанда тиімді дейді. 🔨 Сосын сол мәліметтерді сақтаудың өзі – ақша. Қазақтелеком елімізде Гугл мен Фэйсбукке өзінің қызметін сататын бір-екі компанияның бірі. Мысалы, ТМД елдерінің ішіндегі ең ірі дата орталық біздің Павлодар облысында екенін білерсіздер. Ал мұнда Гугл, Фэйсбук, Алибаба сервистеріне дем беріп, қосымша сақтап отырады, сондықтан, оны «Гуглдың Қазақстандағы аялдамасы» десе де болады. Одан кейін ақыры электр қуаты бізде арзан болған соң, блокчейн технологиялардан да пайда басып қалғысы кеп отыр. Қазір «Қазақтелеком» мен майнинг саласындағы ең ірі ойыншының бірі Genesis Mining компаниясымен келісім жасалған. Жылына 2000 МВатт артық электр қуатын өндіреміз десек, соның 500МВатын жалғыз Genesis Mining-тың өзі игеріп тастайды. ЖАЛҒАСЫ ⏬⏬⏬

7

Orken KENZHEBEK (@orkeni)

🏔 Әлі ұйықтамай, жатып ап, уатсаппен жазбаны атып жатқан шығарсыздар. Ендеше, менен достық пиар болсын. Ақпарат үшін. Бүгін-ертең Шымкент жақтағы аты жоқ шыңға «Астананың 20 жылдығы» деген атау беріледі. Себебі, қазір мен тұрып жатқан қаланың мерейтойына арнап «Kazakh Tourism» ұлттық компаниясы, міне, бүгін-ертең атауы жоқ шыңға жаппай шығу - альпиниада ұйымдастырады. Ал шың болса, Түркістан облысының Сайрам-Өгем ұлттық паркінде, 3446 метр биіктікте орналасқан. Елдер Эверестке де лақ секілді зу-зу етіп шығып жүр ғой, не бопты, шығар. Шықса, «Астананың 20 жылдығы» деген атты құлағына азан шақырып қойғалы тұр бұлар. 🔨 Альпиниаданың ашылу салтанатына Мәдениет және спорт министрі Арыстанбек Мұхамедиұлы, Астана қаласының әкімі, Түркістан облысының әкімі Жансейіт Түймебаев шақырылған. Келмесе, мен емес кінәлі. Ал тойдың басталуы, тойыс, шараның ашылу салтанаты Сайрамсу шатқалында өтеді, барам десеңіздер, Шымкентте бүгін 9.00-де, «Махараджа» СОК (Тәуке хан және Қонаев көшелерінің қиылысы)-қа келсеңіз, алып кетеді. Түркістан қаласында 7.00-де, балалар және жасөспірімдер өлкетану орталығына (Мүсірепов к-сі, 3) келсеңіз, тожы алып кетеді. 🐴 Біз осылай енді, Астанада отырып ап, әмірлетіп жүреміз. Ал, құтты болсын. Алдын-ала. #traveltokazakhstan #20вершин #20summitsofkazakhstan #20летиеастаны #kazakhtourism

90

Orken KENZHEBEK (@orkeni)

🔽 Менің @samgau_nasipkhan деген мықты бауырым бар. Етікші. Дұрысы, етік шебері. Қазір ол тіккен етікті Елбасымыздан бастап мынау Өркен Кенжебекке дейін ұялмай киіп жүр. Самғауды Өскеменнің түбіндегі Шығыс деген ауылда көрқараңғы, құрқылтайдың ұясындай қожырада тірлік етуге тырысып жүрген кезінен білемін. Өзін-өзі шашынан жоғары тартқандай қылып, етігін де тігіп, білімін де жетілдіріп, Астанаға ауысып, цехын салып, өзіне шәкірт даярлауға да үлгеріп жүр. 🔽 Енді міне, алты Алаштың атын алты құрлыққа танытып жүрген @gggboxing-нің осы сенбіде өтетін сериозный бойының алдында оған арнайы етігін сыйлап отыр. Осы ойын ай бұрын айтқанда, Головкиннің достары арқылы аяғының өлшемін біліп алғанбыз. Размері – 43 см, айтпақшы. Етікті ірі қараның иі қанған былғарысынан, ал ішін биыл қашпаған қара ешкінің жұмсақ терісінен тігіпті. Қашпаған деген тұсын әлі анықтау керек) Күмістелген шеге қаққан тұстары да бар. Сондықтан, етік шебері Самғаудың бокс шебері Генабайға атаған сыйлығы, көрсеткен ілтипатын қабыл алыңыздар! Ұмытып барамын, етікті бұйырса Геннадийге табыстайтын сенімді адамды да тауып қойдық. Ол жағына дым да шұрқ демеңіздер.. 🔽 Ал біздің қолымыздан тағы не келеді? Геннадийге кәсіби карьерасындағы ең ірі, ең қауіпті жекпе-жегінде сәттілік тілеп қояйық. Кәне, сәттілік деп жазып тастайық жазбамның астына! Гена қарап қалуы мүмкін)

41

Orken KENZHEBEK (@orkeni)

⛔Қыртымбай пост 🔽  Анда-санда ойланатыным бар. Көп ойлануға да болар еді, бірақ, зәшім? Сол ойдың бірінде бұрынғы әр жыл, әр кезеңімнің белгілі бір әуенмен байланыста жатталып қалғанын байқадым. Әлде миға осылай қаттаған оңай ма екен? Алты-жеті жасымда нағашым әскерге кетіп қалды да, үйдегі еркеккіндіктен жалғыз болған соң, жауапкершіліктің мынадай жүгі мойында қалған еді. Қорадағы қой-ешкіге ұры түспесін, түссе де үркіп қашсын деп алты жасар маған апам өлең айтқызып қоятын. Сонда кешке жатар кезде қора жаққа екі-үш рет барып, Любэнің «Атас! Веселей рабочий класс!» дегенін балапан даусыммен шыңғырып қайтам. Одан кейін Мейрамбектің «Бозторғайына» таластым. Одан кейінгілері еміс-еміс былай. 🔽 Тоғызыншы сыныпта тарихтан аудандық олимпиадаға қатысып, одан ұтып, облыстық деңгейге жеткенім бар еді. Сонда Тараздағы Н.Тілендиев атындағы интернаттың акт залында, кешке бақыртып Татьяна Буланованың «Мой сонын» қойған. Әлі күнге дейін деталь-деталімен есімде, зәшім осындай ақпарат деймін де миге) Айболов Мұрат кластымның үйінде болған әйгілі бешірде Руки Вверхтің «Забирай меня скорейін» қойған. Әйгілі болған себебі, өкшеммен шыр айналып билегендіктен, су жаңа нәскиімнің өкшелері ойылып түсіп қалған еді. Хорошо, что ол кезде ешкімде смартфон жоқ түсіріп алатын) 1999 жыл түгелімен «Демоның» «Солнышкосымен», 2001 жыл «Дадоның» «Дадо-Надосымен», 2002 жыл Бекжан Тұрыстың «Амалым қаншасымен», 2009 жыл «Ом Шанти Ом» фильміндегі Dastaan-e-om shanti om әнімен, ал 2010 жыл «Навеки твоя» фильміндегі Chand Chupa Badal Mein –мен есте қалды. Нағашы апам қайтыс болғанда тек қана испанның Aranjuez mon amour-ын бір ай тыңдап, өзімше аза тұтқаным бар.. 🔽 Осылай кете береді. Қараңызшы, тұла-бой, жүрек-миымыздың бәріне музыка кіріп кеткен екен ғой. Әнсіз қуана алмай, сазсыз қайғыра алмайтын жағдайға жетіппіз. Тіпті, тұтас жылды тек музыканың атауымен еске сақтаған мына сұр зат. Қорқынышты ғой.. Ертең Алла тағала жаналқымға алғанда, жүрегіміздің ішіне суғарылған осы жат ырғақ, жеңіл әуеннің бәрі бөгіп, быжынап шыққанда, жағдайымыз қалай болар екен? Құдай сақтасын... Ал сіздің жағдай қалай?

33

Orken KENZHEBEK (@orkeni)

Алматы сапары тәмәм. Бір жарым күнде үлгергенім: @leroymerlin_kz гипермаркетін аралап, аузымды ашумен кеткен бес сағатымның өтеуі ретінде асханама смеситель ала салу, кітап фестиваліне қатысып, @almenbetae бауырымның үш кітабын сатып алу, @aidos.sarym ағаммен әбед, @mukhamedzhan_tazabek ағаммен кешкі ас ішу, Бірінші арнадан берілетін "Кеш қалмайық" хабарының түсіріліміне қатысу, бұйырса, отбасылық және жеке құндылықтар бойынша супертренер болғалы тұрған @qundylyqtar-мен танысу, @zhankoshturarov_ бауырыммен өмірде жүздесу, @islamkanat_qazaq ағамыздың жаңа қонысына құтты болсын айту. Қалай, пысықпын, ә?)

234

Orken KENZHEBEK (@orkeni)

🙆 ХИЖАП Бір көкем «Осы менің кемшілігімді айтып берші» дейді кейде. «Өкінішке қарай, мен сізге әділ баға бере алмаймын. Себебі, жақсы көремін» деймін ғой әлгі жерде) Сол секілді, молда нағашымның қолында өскенім, ауыл медресесін тәмәм қылғаным Өркен басымның орамал мәселесіндегі ұстанымын баяғыда-ақ айқындап берген. Ол – парыз. Әскерде айтпақшы, парыз деген приказ, ал «приказы не обсуждаются, они выполняются». Бұл ойым түсінікті шығар. Әрі қарай. ___________________________________________________ Қияметке қарай Ислам дінін ұстану қолға шоқ ұстағанмен бірдей болады деуші еді, қазір соған кеп қалдық-ау, Құдайдың құтты күні орамалмен бір дау.. Бұл жазбаны жазбас па едім, егер Mukhan Issakhan есімді дінтанушының жазбасына кезікпесем. Себебі, Мұхан ұсынған ұсыныстарды өз басым жалғыз әрі дұрыс шешім деп ойлаймын. Сонымен, біріншіге мүфтият қыздардың балиғат жасына байланысты пәтуа шығару керек. Өйткені, Ханафи мәзһабында балиғат жасы 11 жас болғанымен (бұл Куфа өңіріне берілген үкім), Қазақстанда қыздарымыз 11 жаста емес, 13-14 жаста балиғатқа толады. Ал орамалды балиғат жасына дейін кию парыз емес. Яғни біз қыздардың балиғат жасын 13-14 жас етіп бекіту арқылы бүлдіршіндерге хижаб кигізген ата-аналарға муфтияттың пәтуасын алға тартып, қарсы уәж айта аламыз. ____________________________________________________ Ал 13-14 жас, демек, 7-8 сыныпқа келіп, орамал тағып, ұзын юбка киемін десе ше? Мектеп формаларының ішінен бір үлгідегі орамалы мен үзын етегі бар киім үлгісін бекітуіміз керек. Қазір Қазақстанда Білім министрлігінде 15 мектеп формасы бекітілген. Осыларға қосып бір пішін, бір үлгідегі балама киім үлгісін жасасақ, Конституциядағы ар-ождан және діни сенім бостандығы құқына нұқсан келтірмеуге болады. Еуропа мектептерінде гигеналық киім үлгісі ретінде "вандамка" кию дресс-коды қабылданған. Бұл зайырлылыққа қайшы емес. Аллаға мәлім, бірақ, жеке ойымша, осы шешім болып қалуы мүмкін. Себебі, орамалмен келген қыз баланың ешқандай кінәсі жоқ. Олар қара жамылып келген жоқ. Олар зайырлы білім алуға, сол ел оқитын құрбақаның ішек құрылысы мен Аустралияның тарихын ақ орамалмен оқуға келіп отыр. *** TO BE CONTINUED 👉👉👉 #хиджаб #хижап #орамал #казахстан

101

Orken KENZHEBEK (@orkeni)

🐴 Мен неге желілік маркетингке кірмеймін? - 2 💲Ол кісі біраз ықылас танытпай жүрді де, менің шынымен шырылдап жүргенімді аяды-ау, депутаттық сауалын қойып жіберді. Сол кездегі Бас прокурор Жақып Асановқа да айтқыздық. Бір ай да өткен жоқ, алдымен Қызылорда, сосын Шымкент прокуратуралары Квестраны жауып бастады. «Біз осылай Квестраның басын шапқан едік» деп өткенде бір досыма әңгімелеп отырсам, мені төмпештей бастағаны. Сөйтсем, ол сегіз миллион теңгесін салып, шығара алмай қалған екен. Обал. Бірақ, амал не, қаржылық сауаттылыққа осылай қиналып болсын келетін шығармыз... Мәселе мақтануда емес, дұрыс түсініңіздер. Мәселе –сауаттылықта. Сосын мәселе - жауапкершілікте. 💲Мысалы, былтыр сол Квестраның типа ресми аккаунттары Қарақат Әбілдинаны әбден пайдаланды. Оның офистеріне келгенін, құшағын қызыл гүлге толтырып тұрған суретін көп басты. Жарайды, өзі білмеді делік, бірақ, Инстаграмында 2 миллиондай оқырманы бар емес пе? Қарақаттың бетін көріп, оған сеніп, қаншасы Квестраға кірді екен дим да... Бірақ, ол жабылған соң, бір ауыз кешірім сөз, айыбын мойындаған пост болмады. Жауапкершілік деп отырғаным осы еді. Биыл міне, көріп отырсыздар, туристік компаниялар қаптап кетті. Дримтрипс бар, Инкруиз бар. Екеуін де тыңдап шықтым. Маған келмейді екен шарттары. Бұдан олар дұрыс емес, я дұрыс деген сөз емес. Бұл менің жеке жағдайым. 💲Сондықтан, бір ауыз сөзбен түйетін болсам, желілік маркетингттен сәл-пәл проценттің иісін байқасам, мұсылмандығыма сын деп қашамын, тез байып, тез ақша табу деп эмоцияма бағыттап жатса ударын, бұл ашкөздігіме сын деп қашамын. Квестраны көрдіңіз. Жауапкершіліктен тағы да қорқамын. Сондықтан, извините. Ал сіздер неғып нетіп жатсыздар?)

74

Orken KENZHEBEK (@orkeni)

🐴 Мен неге желілік маркетингке кірмеймін? 💲Бұл басқалар үшін емес, өз өзіме шығарған пәтуам. Сондықтан, жеке бастарыңызға қатысты қабылдап қалып, өкпелеріңіз қабынып жүрмесін) Былай ғой, жас кезде талай сетевойға кіріп-шығып тастадық. Мысалы, адам өмірін сақтандырумен айналыстым. Өзіне жақын деген жүз адамның тізімін жасап аласың да, «Ағатай, мысалы ертең, жазатайым сізді мәшине помидор секілді мыжып кетсе, артыңызда шиеттей болып үш балаңыз қалады емес пе? Дымсыз. Түксіз. Ал сіз қазірден бастап айына 30 мың теңгеден шотқа сап отырсаңыз, ең болмаса, өлгеннен соң да оларға қайырыңыз тиер еді» деп қорқытасың. Өліммен қорқытасың. Кейін жұртты қорқытып-үркітуден өзің де шаршап кетеді екенсің. Әйтпесе, күндік ақысы Тараз үшін тамаша болатын... 💲 Айтайын дегенім, осыдан бастап, Тяньши, Орифлеймге дейін кіріп шыққан мен үшін бұл жастық кездегі өзін-өзін іздеудің бір сорабы боп қалған еді. Қайдағы, қалған еді. Былтыр бір айдың ішінде алдап-сулап екі рет шақырды. Бірі – сөздеріне сенсек, швейцариялық банктің филиалы екен. Кемі он мың долларға шот ашсаңыз, алтын сағат береміз деп алдаусыратады) Екі аяғымды қолыма ұстап, қашқанмын, екіншісіне тұтылдым. Ол Квестра болып шықты. Аптаның басында инвестиция деп ақша салсаң, аптаның аяғында-ақ есепшотқа түсе бастайтынынан қорыққанмын. Ең қызығы, ол инвестицияны қайда салатынын әлгі можантопай консультант сол күйі түсіндіріп бере алмады. «Ох-хооо» деп журналистігіме салып, қыр соңына түсіп бердім. 💲 Сөйтсем, ауыл-аймақ, әсіресе, оңтүстік жақ ломбардқа алтынын, көлігін өткізіп тұрып, содан алған қып-қызыл ақшасын Квестраға үйіп жатыр екен. Көзім атыздай болды. Әйтеуір, өзі талай жыл қаржылық пирамиданың басында болып, іші-сыртын жақсы білетін, кейін ол жолынан тайған кісіні тауып алдық. 20 минут сөйлетіп, 4 минутын кесіп, әлеуметтік желімен жібердік. Жаман таралмады. Шымкент, Қызылордадан дауыстыры гүрілдеген бизнесмендер жеке нөмірімді тауып алып, ызбандап бастамай ма? «Бір ауыз сөзіңіз... егер Квестрадан ақшаны ал десеңіз, қазір барып алып кетеміз» деп. «Ойбай, мен жай ғана бұл секемді, күмәнді дедім, өздерің біліңдер» деп құтылдым. Көзім одан әрі атыздай болды. ЖАЛҒАСЫ КЕЛЕСІ ПОСТЫМДА 👉👉👉